ساعات من يومي!!!

بسم الله الرحمن الرحيم اول مره بجد مش عارفه ابتدي منين ولا عارفه هتكلم في ايه بس مجرد احساس جالي بعد اللي مريت بيه الكام ساعه اللي فاتوا......هقولكوا بقي امبارح فجأه كلمتني صحبتي و قلتلي هنعمل مشروع و هنروح للايتام ....طبعا الموضع جه بسرعه بس الحمد لله.....خرجنا من المدرسه بدري و مبسوطين و رايحين للايتام و اول اما وصلنا شفت منظر مش هيكرر ....شفت اطفال مبسوطين و فرحانين جدا و الابتسامه من الودن للودن و بيرقصوا و كأن الحياه وردي...فكرت شويه كده و قلت عمتا احنا بنزعل و نعيط و نضايق علي حاجات مفيش اتفه منها و بصيت الاطفال و كنت عادي مش بضحك و مبوزه لقيت ولد صغير راح باصصلي وضاحك و كأنه بنظرته و ضحكته دي بيقولي بلاش تشأوم ونكد مفيش حاجه مستهله .....كانوا فعلا مبسوطين و من القلب و مش احنا اللي قوامناهم هما اللي كانوا بيشدوا اصحابنا الولاد يرقصوا معاهم و ضحكتهم كانت فعلا صافيه و من القلب ..... مكنش فيه زي فرحتهم رغم ظروفهم دي كلها!!!......المهم حبه جه بقيت اصحابنا من المدرسه و لقينا واحد زميلنا مكشر و مهموم,سألناه مالك .....قلنا اصعب حاجه فعلا ممكن تتقال ....مدرسه عندنا ابنها عنده 4 شهوور و كان ما شاء الله امور اوي ,للاسف الشديد مات!!!....نزل الخبر علينا كالصاعقه....متخيلين ام فضلت رحله لمده 9 شهور مع حته منها و بعد اما الرحله دي تخلص باربع شهور ....الولد يموت و يسبها لوحدها!!.....ام سابت ابنها زي الفل في حضانه الاطفال الصبح ....جت في اخر اليوم تصحيه لقته لونه ازرق وجثه هامده.... اكيد مفيش حاجه اصعب من كده!!!!......الخبر فعلا كان صعب ....خدت لحظه كده و افتكرت بنت شوفتها مع امي من اسبوعين بظبط.......ماما واقفه بتركن العربيه و بتفتح الباب و نازله لقت بنت شكلها يدي 6 سنين مش اكتر وشها ده ما شاء الله زي القمر و شكلها نضيف و متسرحه و ضحكتها واخده وشها كله و علي قد اما وشها كان منور علي قد اما كان متبهدل ضرب و خدوش .....اول سؤال ماما سالتهولها انتي اسمك ايه؟ ردت الطفلة و بكل برأه و امل و تفأول انا اسمي فرح و بعدين ماما سألتها وشك ماله متبهدل ليه يا فرح ......ردت البنت بأوجع رد و سبحان الله بنفس الابتسامه الصافيه و قالت: ابويا ضربني عشان بجبله فلوس قليله كل يوم!!! امي اتصدمت و انا كمان و سألتها انت مامتك فين و شوريتلها عليها .....و مشيت فرح ,مشيت و هي سايبه فينا افظع حاجه ممكن نتخيلها....طفله سنها مش جايب 6 سنين تتبهدل كده من والدها عشان الفلوس!!! اسمها فرح و عمرها مشافت الفرحه في حياتها!!فلترقد الانسانيه في سلام..........اكملكوا بقي قعدت كده افكر و زعلت اكيد ....فكرت في الثلاث مواقف و قلت ياه ده ربنا كريم و الواحد لازم كل ثانيه يقول الحمد لله......تخيلت حال الام اللي ابنها كان في ايدها بيضحك و بعدها بكام ساعه رايحه تدفنه في القبر....يارب الام دي تحط غي دماغها ان ممكن يدخلها الجنه و ان ابنها نفسه في الجنه ان شاء الله ....... فكرت في فرح و يااه علي التفأول اللي في وشها و هي متبهدله و متعوره كده و قد ايه الابتسامه مش مفارقه وشها.....فكرت في كريم الطفل اللي في دار الايتام و الولد اللي ضحك في وشي و انا مكشره ......تصدقوا احنا فعلا تافهين!! احنا بنزعل علي حاجات ولا تستاهل و بنعيط و ننكد علي نفسنا و للاسف عمرنا متخيلنا او عرفنا احساس شخصيه من الشخصيات دول.....يارب نتعظ و منقفرفش في نفسنا و نشكر ربنا كل لحظه انه عافنا مما ابتلي بيه غيرنا و ان قد ايه الحياه صعبه للناس كلها و محدش احسن من حد .....يارب فك كربه و ضيق كل شخص...قولوا امين ....كنت مضايقه مش اكتر و حبيت اوصف الكام الساعه اللي فاتوا دول و قد ايه فرقوا معايا ....سلام عليكم

هو احنا ليه بنشتم؟

بسم الله الرحمن الرحيم .....دي سادس مدونه ليا,ان شاء الله تعجبكوا هاتكلم عن عاده و ظاهره للاسف الشديد انتشرت بين الناس و ده موضوع مهم اوي... مش هطول عليكوا .....الحاجه دي هي الشتايم .....السؤال بقي هي الشتايم ديه جت ازاي اصلا؟ .....هقولكوا بقي طبعا من زمان او من ايام الصحابه و ايام الجاهليه كان عندهم شتيمه وهي (ثقلتك امك) معناها ان الام اولادها يموتوا و انك بمعني اصح تموت......طبعا دي شتيمه بسيطه لشتايم اليومين دول.....كفايه رغي بقي و نخش في الموضوع ايام زمان او مش زمان اوي كانت ابسط الشتايم بتبقي بمعني الغباء زي مغقل و حمار.....الخ و كانت حاجات بسيطه بس برضه ميصحش تقولها.....فجأه بقي كده و من حيث لا تدري ظهرت افظع شتايم ممكن تسمعها و كفايه معناها البذيء و اللي بقت حاجه زي اللبانه علي لسان كل شاب و فتاه للاسف......كل الشباب او الناس عمتا بقت عادي عندها انها بتشتم بالام و الاب و افظع الشتايم كمان لا و ايه حطوها معيار للرجوله!!!.....ندي كده كام مثال .....واحد سايق عربيته و واحد زنق عليه بالعربيه او خبط خبطه بسيطه او اي حاجه تقوم فجأه تلاقي شتايم فظيعه و بالاب و الام و كل ده بسبب خبطه بسيطه!!! .....مثل تاني واحد عمال علي بطال عمال يشتم علي تويتر اي حاجه يشتم مبسوط زعلان لازم يشتم و مش اي شتيمه كمان لا وايه ما شاء الله تلاقيه قموس شتايم و فخور بكده!!! موقف تالت كمان اصدقاء بيلعبوا ماتش كره او حتي ماتش بلاي ستايشن جرب بس تعدي كده و تشوفهم و تسمعهم و هما بيلعبوا .....هتسمع افظع شتايم و انت مشوطش الكره ليه يا**** و هاتك يا شتايم بقي تعالوا كده نحكم علي التلاته .... يعني انتوا شتمتوا في حاجات ملهاش اي لزمه ولا ليها اي اهميه انت ياللي عربيتك اتخبطت شتمت اللي قدامك هاه قولي عربيتك اتصلحت؟؟ طب كان هيجري حاجه لو كنت قلتله معلش و ربنا يعوض علينا خير و لو كنت اتصرفت بحسن اخلاقك كان ربنا فعلا هيردهالك خير.....الموقف التاني انت ياللي بتشتم و مبسوط بنفسك اوي و فرحان تقدر تقولي موقفك لووالدك او والدتك شافوا الاكونت بتاعك يا فرحتهم بيك بجد بتشتم و بتتشتم بالام و الاب وانت ولا فرقه معاك طب انت خايف من مامتك و باباك مش خايف من ربنا اللي خلقك!!!! عيب عليك والله ....الموقف التالت و هتكلم عن الماتشات عمتا هي حاجه حلوه اما نعد نشتم؟حتي في الماتشات الكبيره تلاقي الجمهور بيشجع و هو بيشتم زي اما يكون هيجراله حاجه لو مشتمش!!و بعيد عنك مش اي شتايم.....شتايم الواحد بس يخجل و يشعر بالخزي و العار قدام ربه لمجرد انه عرف معناها .....يعني هو انت اللي شتمت و انت بتلعب ربنا هيوفقك مثلا ,ولا الجمهور هي دي طريقه تتمنوا بيها الفوز.....لو فاكرين ان الفوز او الكاس او حتي نتيجه ماتش عادي بين الاصحاب هتيجي  بالشتيمه!!يبقي انا اسفه عندكوا ضعف و نقص في الشخصيه و الايمان عندكوا منعدم تماما!!!.....عارفين ايه المشكله؟؟ ...انها بقت حاجه عادي و بقي الراجل معروف انه لازم يشتم و الخوف من ربنا اتعدم لا و كمان البنات بقت وخداها موضه و عماله شتايم  يا فرحتي بيكوا يوم القيامه حتي الحياء انعدم!!! زي خيالات غيرعاقله تقولك انا همسك لساني بس لو حد شتمني بامي او بابي هرد عليه و بأسوأ كمان.....طب معلش كده اللي شتمك عنده نقص تقوم انت توطي اسلوبك و مستواك عشان تبقي ناقص زيه؟؟ ليه متقولوش ربنا يسمحك و هتتردلك و كما تدين تدان و فعلا لو عملت كده ربنا مش هيسبلك حقك.......هتقولي هبقي مش راجل وسط اصحابي....هقولك طب يا حبيبي يا بتاع صحابك وريني يوم القيامه كده وانت ربنا بيسألك انت شتمت ليه فهتقولوا عشان ابقي راجل....وريني بقي الرجوله سعتها و قولي كده اصحابك فادوك بأيه؟؟؟.......طب انت يا ابن الحلال اتعودت انك تشتم فاي موقف حصلك وحش و تشتم و بضمير كمان .....طب اذا كنت انت متعود علي الشتايم يبقي قبل اما تموت هتقدر تنطق لا اله الا الله!!! ليه متحطش في دماغك انك اول اما تحصلك حاجه وحشه تقول استغفر الله العظيم او قدر الله و ما شاء فعل....اه نسيت هتقولي منظري قدام صحابي...شوف و انا اللي بقول.... وريني بقي يا حبيبي منظرك و انت بتتعذب في نار جهنم عشان حبه كلام ولا يسوي .....عارف انت اما تتشتم كده و تشتم كده بالاهل ,يعني بتبقي انت كده بتلغي شخصيتك و بتحقر من نفسك لان ببساطه شديده الناس عارفه انك موءدب و ماسك لسانك فعمرهم مهيقدرواحتي يقولولك حتي ربع كلمه ....يعني من الاخر انت بشخصيتك سواء كويسه اوسيئه بتحدد معامله الناس معاك فالله يخليك حافظ علي كيانك و شخصيتك و ارحم نفسك شتايم و خليك مثل اعلي .....طب نقول مثلا انت كويس و محافظ علي صلاتك تقوم تشتم بعدها؟؟...انت هتبني بيت وتتعب فيه و بعدين تجيب ونش يهده.ياريت متنساش الحديث ده و تلحق نفسك احسنلك  روى مسلم " ليس المؤمن بالطعان ولا اللعان ولا الفاحش ولا البذيء......الخلاصه: احنا كلنا بنشتم و اتعودنا للاسف بس لرحمه ربنا علينا كلنا ان فينا اللي بيقدر يمسك لسانه و يتصرف و يفكر نفسه انه مش هيضيع جنته عشان كام كلمه .....اهو نفسي بقي اللي عمال يشتم ليل و نهار ده يفكر نفسه بكده و ان قد ايه عذاب جهنم صعب ....طب انت ياللي بتشتم لو مت مثلا و الناس مثلا فتحوا التويتر بتاعك و لقوك بتشتم كده .....ايه هيكون انطباعهم ....من الاخر خلي منظرك قدام ربك و نفسك ووالديك و الناس لائق .....شايف انها رجوله و بتقول منظري و لازم ارد الشتيمه يبقي انا اسفه انت شخص عنده نقص تام و بيضيع و بيقضي علي جنته و علي شخصيته!!! ......طب انت اب و بتشتم بس مش قدام ولادك ولا اهلك لكن قدام صحابك عشان تمشي معاهم و تبقي زيهم....لا الصراحه اثرت فيا و خايف علي ولادك اوي .....طب ايه ربنا نسيتوا!!! خليك مثل اعلي لدرجه ان اصحابك يتكسفوا يشتموا قدامك.....انا عارفه انها صعبه انك تبطل تشتم بس ببساطه كده شتمت في سعتها استغفر ربنا و فكر نفسك بعذاب جهنم و فكر و انت بتجاهد ضد نفسك قد ايه ربنا  هيقف معاك و هتلاقي سبحان الله ربنا بيسهلهالك و لسانك هياخد علي الاستغفار بدل الالفاظ البذيئه و خلي بالك انت كده فعلا هتبقي راجل و ماشي بمبدأ الرجوله صح و شخصيتك هتتغير 100% للاحسن ان شاء الله:).....هتمشي مع اصحابك و مع مفهوم الرجوله الخاطيء هتنعم بافظع عذاب و متنساش  فيه ملكين علي يمينك و شمالك و اللي علي يمينك الحمدلله فاضي مفيش وراه حاجه لكن الشمال يا عيني عليه عمال يكتب!!! و خلي بالك عذاب ربنا عظيم و اسمع كده الكام ايه دول من سوره(ق

إذ يتلقّى المتلقّيان عن اليمين وعن الشّمال قعيد17 ما يلفظ من قول إلّا لديه رقيب عتيد18   وجاءت سكرة الموت بالحقّ ذلك ما كنت منه تحيد19 .......طيب يعني تخيل كده لو مت و انت بتشتم ,حاجه صعبه صح؟ طب انت بتخاف لو والدك او والدتك شافوك بتشتم طب بالنسبه لربك اللي هو خالقك انت ووالدك ووالدتك!!!.....ياريت تهتم بجنتك و تمسك لسانك شويه و متضيعش حاجات كتير من ايدك عشان كام كلمه معناها فعلا ميسواش اي حاجه غير قله قيمه و هقولها تاني انت اللي بتحدد الناس تحترمك ازاي,شايف ان الشتيمه رجوله و مبسوط اوي ابقي قابلني لو فلحت في دنيا او في اخره......الحق نفسك و امسك لسانك و استغفر ربك ,حد شتمك هتتردله مش لازم تشتم,غلط فيك بوالدك اوبوالدتك عشان هو عنده نقص تقوم انت ترد و تبينله انك انت كمان عندك نقص!!!عارف انت اما تسكت و تقوله ربنا يسامحك يبقي كده اولا بترضي ربك و ثانيا بتبنله ادبك و حسن اخلاقك لان ببساطه كل اناء بما فيه ينضح.....افتكر رضا ربنا و جنتك و احترام الناس ليك و انك تمشي بمبدأ الرجوله صح!!.....انا خلصت:).....يارب الشتايم تتعدم خالص و الناس تحترم نفسها و تفتكر ربنا و جنتها.....ملحوظه: انا عارفه ان حال مصر في النازل بس ربنا يسترها ان شاء الله :)

و فجاءه اكتئب الجميع!!!!

بسم الله الرحمن الرحيم ده خامس بلوج ليا يارب يعجبكوا....ان شاء الله هتكلم في حاجه كلنا مشتركين فيها و هي الحزن و المشاكل........ببساطه شديده ربنا خلنا واحد و كلنا عرضه للمشاكل و الخلافات سواء مع الاهل او الاصحاب و كلنا بنمر بضغوطات كتير بس ايه الفرق بقي؟ الفرق هو كيفيه تعامل كل واحد مع المشكله و مدي استعانته بربنا.......مبدئيا كده مين فينا  مش بتعدي عليه لحظه  يبقي نفسه يهرب من كل حاجه و يروح حته محدش يعرفه فيها او بساطه يحس بخنقه من غير سبب و انه يبتدي يتنرفز من اتفه الاسباب او انه فجاءه يعيط من غير سبب لوحده او ببساطه زي اما اغلبنا بيعمل نعد نفكر و نفكر كتير اوي قبل اما ننام لحد اما دماغنا تطق و نعد نعيط و مش بنخلص......ببساطه كلنا كده بس للاسف الشديد كلنا مش بنستعين بربنا,رغم ان ده طريقنا الوحيد للسعاده ,المهم ممكن اه بنستعين بربنا بس للاسف ساعه المشكله و بس :/.......ببساطه شديده جدا ربنا بيحطنا في المشاكل مش عشان يشوف احنا بنستحمل ولا لا,ربنا بيحطنا عشان يشوف قوه ايماننا بيه و قوه اتكالنا عليه و هل يا تري هنفضل مستعينين بيه ولا علي قد المحنه و بس!!!.....جربت اما يجيلك احساس الخنقه ده او انك نفسك تمشي انك تهرب بجد!!!....اه تهرب فعلا بس تهرب لربنا و تتوضأ وتقوم تصلي ركعتين و تقرأ قرآن او ابسط حاجه تسجد لربنا و تعيط و تحكيله مشاكلك كلها و انت بتعيط(صدقني هي ديه السعاده الحقيقه :))......كلنا اما بنمر بمشاكل بنستعين بربنا بس يا تري هل بنفضل مكملين في طريقنا للسعاده و استعاننا بربنا ولا للاسف و زي اغلب الناس بنحل المشكله و نرجع لمعاصينا تاني كلها.....لو انت بعدت عن ربنا مشاكلك هتزيد و الضعف كمان ......بيقولوا السعاده اختيار و احنا الحمد لله  في كامل عقلنا واختيارنا للسعاده هو ان احنا نفضل في قربنا من ربنا......الناس هتقف ضدك و هيضيقوك و هيخنقوك بس ببساطه شديده جدا كلام الناس مكانه الزباله وانت حتي اما بتقع في المشاكل و تحكيها لحد ممكن هتلاحظ منه شويه انه مش مهتم او الموضوع بالنسباله مش بالاهميه العظمي ,ده غير بقي انه ممكن ينصحك نصيحه غلط و توديك في داهيه و انا مجربه :)......همومك و مشاكلك كلها لربك وهوالوحيد اللي هيحلهالك,ارمي حمولك علي ربك و كل حاجه باءذن الله هتتحل......اه هي مش حاجه سهله و انت هتعاني كتير بس هسألك سوءال بعد اي مشكله انت طلعت منها انت اتغيرت ولا لا؟ اكيد اتغيرت ....طب استفدت من غلطتك؟اكيد اه و متبقاش عبيط و تكرر كل حاجه تاني ......طب خد دقيقه و فكر و نفسك قبل و بعد اي مشكله و قد ايه اتغيرت وللاحسن كمان :) و علي فكره الشخص اللي هتمر عليه مشكله و هو مستعين بربه و ايمانه بيه قوي المشكله هتعدي عليه زي درس في حياته حاجه بسيطه و استفاد منها و حمد ربه انها اه مشكله بس مش مصيبه عظمي الحمد لله ,علي عكس بقي اللي بيمر بمشكله و باعد عن ربه و يقولك انا هسمع اغاني هبقي تمام.....طب بزمتك مش بعد اما سمعت الاغاني ديه و فكرتك بضيقتك .....أنت نفسك مضيقتش اكتر و حسيت بهم اكتر من الاول ؟و طول مانت بتحاول ترضي الناس و مهتم بكلامهم و باعد عن ربك فهتحس بالمشكله ديه علي انها مطحنه مش مجرد درس مر عليك........الخلاصه:خليك مع ربنا مش هتخسر ولا حاجه و خليك ايجابي و متعدش تقول ليه يارب عملت فيا كده؟و تعد تتخنق و تتخانق و تقول اوف و يباي .....اول اما تحس كده تجري جري تتوضأ و تصلي ركعتين و افتح القرآن و اقرا اي سوره تيجي في بالك و صدقني ده احسن علاج للاكتئاب ....اه هتعيط و يا سلام لو عيط وانت بتسجد ده لوحده احلي شعور في الدنيا كلها و قد ايه العياط بيريح.....احمد ربك علي قد اما تقدر و اشكره علي امك و ابوك اللي شايلينك من الارض شيل,احمد ربنا انك عايش في بيت ولاقي اكل,غيرك فقير من غير بيت وبيقعد بالايام مش بياكل.....تخيل كده حياه الشخص ده,طب شفت المريض اللي مش قادر حتي يمشي خطوتين و يصلي و بيتشعبط في رضا ربنا عشان يقدر يصلي,حافظ علي صلاتك و متبعش جنتك و اتعظ من اللي حواليك و متبعش جنتك لاتفه الاسباب و متعدش تقنع نفسك انك في افظع مشكله او انك خربت حياتك بايدك و ربنا عمره مهياسمحك متنساش ان الله غفوورا رحيما,طب عارف انك اما بتندم علي معصيه ربنا بيحسبهالك (توبه) متخيل بمجرد بس الاحساس بالندم,قال رسول الله صلي الله عليه وسلم:"الندم توبه".(رواه أحمد 4242 والبيهقي في الكبرى 10/154 والحاكم 7720 )....قول الحمد لله و ادعي للمريض وللفقير و بطل سلبيه واضحك دايما, بلاش تكشر ده حتي ابتسامتك ديه صدقه :) بلاش نكد و تكشير و افرد وشك كده D:  ....  و ادعي لربنا دايما و اوعي تسيبه متبيعش جنتك عشان شويه كلام ناس ميستاهلش و حط في دماغك الجمله ديه دايما(ان الله اذا احب عبدا ابتلاه)و اول اما تمر عليك اي مشكله هترتاح كتير اوي و متبصش للحواليك علي ان حياتهم مثاليه و معندهمش بلاوي لان كلنا واحد و حط في دماغك ان اللي ضايقك او زعلك مش هيقدر يضايقك تاني او حتي يتعرضلك و انت طللاما ردهاله باخلاقك الحسنه فافتكر دايما ....(افعل يا ابن آدم ما شئت فكما تدين تدان)يعني اللي عمل فيك شر هتتردله شر و انت اما ردتهالوا خير هيتعمل فيك خير فخليك دايما في طريق الخير و تذكر ان رحمه ربنا واسعه و انه مسمحك مهما كانت مصيبتك طالما محافظ علي صلاتك و دينك و بتسعي للجنه وواخد القرآن قرينك و ماشي في طريق الخير,مشيت في طريق تاني يبقي حط في دماغك بقي ان الله شديد العقاب و مهما اذنبت لازم الاستغفارلربنا وخليك جنب ربك و هقولها تاني و تالت و رابع (ان الله اذا احب عبدا ابتلاه)و افتكر الايه ديه دايما:بسم الله الرحمن الرحيم ( قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ )صدق الله العظيم وهاقولك حاجه كمان اهم حاجه انك تعترف و تندم و تتعلم و متككرش غلطك ده تاني ......و تأمل كده الحديث ده و شوف رحمه ربنا :)......قال رسول الله - صلى الله عليه وآله وسلم - لعائشة - رضي الله عنها - : " إن كنت بريئة فسيبرئك الله ، وإن كنت ألممت بذنب فاستغفري الله وتوبي إليه ، فإن العبد إذا اعترف بذنبه ثم تاب تاب الله عليه "......انا الحمد لله خلصت بس هقول ملحوظه بسيطه: ان عارفه ان مصر بتمر بايام و يمكن سنين عصيبه كمان و حالها لوحده يجيب الاكتئاب بس خلي عندكوا امل و متقولوش الثوره فشلت لأن اي ثوره علي الاقل بتاخد 10 سنين علي ما تحقق اهدافها(معلومه قرأتها)فادعوا لمصر و ان شاء الله شده و تزول و يارب مصر تشوف استقرار بجد.....قولوا امين :).......الحمد لله خلصت :)