كبف نطرد الخواطر المميته؟.....

  بسم الله الرحمن الرحيم.....خاطره من الخواطر الخطيره جالت بخيالي.....نعم فكم من مره كنا منهمكين في فعل شيء ما ثم فجأه جولنا بخاطرنا بعيدا نبحث و نفكر حتي تكاد تنفجر رؤوسنا ......"لم حياتنا هكذا؟" ....فنفكر في الماضي المنبوذ و الحاضر المتجاهل و المستقبل المطموس .....و لكن لم المسميات و الحاضر و الماضي و المستقبل هم في نظرنا و مفهمونا نفس الشئ!!!.....لا يمثلهم سوي كلمه "مظلم"....قد أكون عدوه للتفاؤل و لكن أسمحوا لي أن أكون صادقه أيضا .....فلنحك الحدوته من مشارفها.....خلقنا الله سبحانه و تعالي و ميزنا عن سائر خلقه فوهبنا العقل و هو أعقد آله علي وجه الأرض....منحنا الوقت و هو الكنز الذي نسلبه قيمته دوما ...ووهبنا الأحلام و التفكير التي ليس لها حدود .....كل هذه الأشياء و نحن ندعي علي حياتنا بالظلام و الفشل؟!! لا يعقل....و لكن قد نتسأل ما هو سر الفشل و النجاح ؟ سر الظلام و النور؟....."أنت" نعم أنت فقط من لديه القدره علي تحقيق كوابيسه إلي أحلام....لأ أقصد أن أكون كمحاضري التنميه البشريه و لكن هذه الحقيقه....نحن دائمي التذمت و التشاؤم .....دائمي التأجيل و التريث.....للأسف تمضي أسابيع و أيام و نحن لازلنا نؤجل أحلامنا حتي نتفاجئ بأن أحلامنا باتت مستحيله ولم السبب تقسعنا!!!......يوهبنا الله في اليوم 86 ألف ثانيه ....ليتني أعلم كيف يطيروا هكذا في الهواء....

طب كفايه كلام و  تقليب مواجع و نخش في حلول عمليه .....نعمل أيه عشان بإختصار "ننجز" ؟

طب خطوات بسيطه خالص هي فعلا اللي هتظبطلنا أمورنا و تنظم "وقتنا".....أول حاجه هي الكتابه ....أيوه أكتب ...ربنا ذكر القلم في القرآن الكريم مرتين و قال "علمنا الأنسان بالقلم..." .....ببساطه شديده كل يوم قبل أما تنام هات ورقه و أكتب فيها أنت عايز تنجز أيه في يومك زي تو دو ليست كده (متحطش حاجات كتير عشان متضغتش نفسك) و أقنع نفسك أن ده توقيت عمل بنسبالك يعني أيه؟ يعني تركيز,إنجاز,مفيش موبيل خالص ولا أي وسيله من وسائل التواصل الاجتماعي.....آخر نقطه صعبه شويه أنا عارفه بس بجد أقنع نفسك أن دي جايزتك لو خلصت ....قول لنفسك أنا هانجز دلوقتي و هامسك الموبيل براحتي بقي.....من الآخر متقومش غير و أنت قايل لنفسك أنا "خلصت " ......خلونا نجرب كلنا.....خلونا و لو لمره واحده نهزم الخواطر الشريره ..دايما قول أنا ربنا أداني كل الفرص أني أبقي كويس فمش هاخزله  و فعلا فكر فأي حلم من أحلامك و شوف قد أيه الإمكانيات متوفره ...تخيل لو حد فقير مش قادر حتي يتعلم نفسه يقرأ بس معوش حتي تمن قوته...قول الحمد لله و قول دايما لنفسك أبقي "فرفور" و تافه لو منظمتش وقتي ....مفيش حاجه بعيده هات ورقه و حط فيها بمعني الكلمه كل حاجه نفسك تعملها مهما كانت أيه و دايما حمس نفسك قول أنا قدها  و هانفذ كل حاجه  فيها.....جرب تحتفظ بيها و تفتحها بعد شهرأوسنه حتي  و أحكم علي نفسك.......و طبعا مش هقولك ترمي كلام الناس في الزباله و حط في دماغك أن هدفك أنك تثبت للي أتريق عليك عكس كلامه :)...توكلوا علي ربنا و اعزموا نيه البدأ و تأكدوا أن ربنا مش هيأخركوا أبدا :) أسفه لو طولت سلام عليكوا و ربنا يوفق الجميع :)