رسالة إلي جبل بشري....

بسم الله الرحمن الرحيم.....طيب مبدئيا كده إنهارده 21\3 .....عيد الأم يعني....و المفروض أهدي أمي هديه أو دعوه أو حتي صوره لينا بس قررت هاهديها المدونة دي عن الجبال!! أيوه جبال ؟؟......

ألن تجولوا بخواطركم من قبل و فكرتوا ما هي أهميه الجبال؟ لم سخرها لنا الرحمن؟

(وَأَلْقَى فِي الْأَرْضِ رَوَاسِيَ أَنْ تَمِيدَ بِكُمْ وَأَنْهَارًا وَسُبُلًا لَعَلَّكُمْ تَهْتَدُونَ) [النحل: 15]

وَإِلَى الْجِبَالِ كَيْفَ نُصِبَتْ 

{أَلَمْ نَجْعَلِ الأَرْضَ مِهَادًا * وَالْجِبَالَ أَوْتَادًا} [النبأ: 6-7].

حسنا كما نعلم جميعا أن الجبال خلقت لحفظ توازن الأرض و لهدايه الناس للسفر و أن الجبال دائمه التحمل و دائما راسخه و شامخه فقط حتي لا يختل توازن الأرض و لا تصاب بالانهيار!!و نعلم أيضا أن إذا ما أختلت الجبال يحدث الزلزلات و الانهيارات التي تودي بالجميع هلاكا..... ألا يفكركوا هذا الدور العظيم بشخص ما؟ نعم الأم !! فكل أم مهما كانت عواطفها و رقتها فهي دائما كالجبل لحفظ توازن البيت و هي دائما عونا و هدايه لكل فرد في الأسرة....

لا فعلا تعالوا نبص كلنا لأمهاتنا قد أيه بيتحملوا عشاننا و قد أيه بيدافعوا عننا....كام مره قرفناهم و زعقنا و بنصالحهم و في أقل من دقيقه بيصفوا ولا كأن حاجه حصلت....مين اللي هم الأسرة كله مشترك عنده.....مين اللي فعلا يفدي ولاده بأيه!!! و يجي علي نفسه عشان أي حاجه ليهم....

شكرا يا ماما أنك مستحمله درجاتي و عافرتي معايا في السات اللي مش بيخلص :")......شكرا يا ماما أنك مستحمله طخني ده و كل أما أعمل دايت و أبوظه تشجعيني تاني.....شكرا يا ماما لما بتساعديني في مشاكل كتيير و بحملك الهم دايما عالفاضي....شكرا يا ماما لثقتك فيا و لمدافعتك عني دايما.....شكرا يا ماما علي كل حاجه خلتني أنا دلوقتي .....شكرا أنك كنت فعلا جبل لينا كلنا و من غيرك فعلا توازن أي حاجه يختل و يبوظ ....شكرا يا ماما علي كل مره زعلتك فيها و بتصفي  بعدها بثانيه  شكرا يا ماما علي كل مره قرفتك زياده و أنت سمعاني....لو فضلت أشكر من هنا للصبح صدقيني مش هاخلص :* بحبك يا أمي و عيد أم سعيد .

Dedicated to my special Mayada  <3