متي سنحيا مثل الخلق؟....

بسم الله الرحمن الرحيم....طيب هو بصراحه مش عارفه أبتدي منين بس خليني أقول حاجه بسيطه كده أنا مش عاجبني الوضع اللي مصر فيه خالص! مش عاجبني انقسامنا جزء شايف الحياه وردي و مصر بتتقدم و لا اللي جاي أحلي و أي حد يقول غير كده يبقي عدو الوطن و معيق للتقدم اللي هو معرفش فين التقدم بس ما علينا.... والجزء التاني من الناس هما اللي عايشين الواقع و الحقيقه هما اللي فاهمين الأمور و محكمين العقول هما اللي بصين لكل حاجه و بيسمعوا و بيحكموا و هما اللي شايفين الظلم و عارفين إنه موجود و إنه هيجي لو حصل ايه...هما اللي مش عجبهم الاعتقال المهول ده ولا كميه الانفجارات و القتل و الناس اللي بتختفي....من الآخر الناس اللي عندها ضمير و نفسها تنقذ أي حد من الأخطبوط الظالم اللي جاب برجليه كل الشباب و قضي علي طموحاتهم!!

 بس خليني أسيب الناس بتوع العالم الوردي دول بآمالهم دي و أنتقل للناس اللي تعبت فعلا من كتر القمع و الظلم و هحاول أديهم زي بصيص من الأمل و مش أمل خداع متقلقوش D:

طيب نرمي كل اللي فوق في الزباله كده و نبتدي علي هدوء.....

قرأت مره تعليق كاتب أجنبي كتبه علي مقوله "التاريخ يعيد نفسه"....تعليقه كان ببساطه أن الناس هي اللي بتصمم علي كده و هي اللي بتشوف كده بمعني أن الناس بتقارن أحداث الماضي بالحاضر و بتصمم إنها هتحصل بالرغم من إن ده غلط لأن كل حاجه بتتغير إلا أن طريقه تفكير الناس هي للأسف اللي بتخوفهم و بتديهم يقين أن حاجات كتير سلبيه ممكن تحصل ....باختصار إحنا عايشين كده و معتقدين أن دوله الظلم مش هتنهي و بنقارن بالماضي دايما علي أن فيه ظلم كتير و فيه حقوق مرجعتش و أمهات قلوبها مرتحتش ....بس إحنا ناسيين حاجة بسيطه أن ربنا مش بيسيب حق حد و لو أيه اللي حصل ولا مين اللي حكم والا حتي عدي وقت قد ايه! الصبر هو مفتاح كل حاجه بس إحنا اللي مستعجلين أو بمعني أصح شبعنا احباط و حزن من اللي بقينا بنوصله و إحنا أصلا كنا عايزين عكسه!بس ببساطه شديده خلونا نصبر شويه و نسيب الأمور علي ربنا...،أنا عارفه مفيش حاجه تهدي قلب أم ابنها مش عارفه عنه حاجه ولا قلب أخت أخوها رامينه في السجن متقاسعين حتي يحاكموه!! عرفه كميه القمع و عرفه كميه العذاب اللي بتتحط فيها الأهالي ....بس مش هاخضع و أقول لا هي خربانه خربانه هو زي مبارك لا مش هنشوف يوم عدل!!أنا يمكن ساكته و مش باتكلم كتير عشان فعلا أملي في ربنا من اللي بشوفه كبير....

وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ

" إِنَّ اللّهَ عَزِيزٌ ذُو انْتِقَامٍ "(آل عمران) 

 أين مَا تَكُونُوا يَأْتِ بِكُمُ اللَّهُ جَمِيعًا ۚ إِنَّ اللَّهَ عَلَىٰ كُلِّ شَيْءٍ قَدِيرٌ

وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ (الأنفال)  

وَاصْبِرْ لِحُكْمِ رَبِّكَ فَإِنَّكَ بِأَعْيُنِنَا ۖ

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ ۗ وَبَشِّرِ الصَّابِرِينَ

الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ( سوره البقره)

أَيَحْسَبُ أَنْ لَنْ يَقْدِرَ عَلَيْهِ أَحَدٌ ( ٥سوره البلد)

{وَاللَّهُ يَعْلَمُ وَأَنْتُمْ لا تَعْلَمُونَ} 

طيب آدي كميه وعود من ربنا كفيله بإنها تصبرنا علي أي ظلم مهما كان قوته ...

و علي فكره حقيقه تاريخيه أن أي ثوره عشان تحقق مطالبها لازم تمر بفتره- علي الأقل ١٠ سنين- مضطربه و بيكثر فيها الظلم و القتل و إنعدام الأمان....شبه اللي إحنا فيه يعني 😃