شفت بلوجات كتير و حاجات كتير عجبتني ....فكرت كده و قلت ليه مجربش اكتب انا كمان ،اينعم هيقولوا عليا ماشيه مع التيار و بقلد و خلاص بس قلت سيبني اديني هاجرب حاجه جديده و اتكلت علي الله و بدات اكتب في البلوجايه ديه او المدونه يعني مفرقتش كتير ....مش هطول عليكوا عشان صدعتكوا انا عارفه:) ....قررت اول مدونه ليه تبقي عن حاجه بتربطنا كلنا و جمعانا سوا بنكرهها و بنحبها في نفس الوقت و الحاجه ديه هي مصر للاسف او بلاش للاسف ...المهم يعني بلدي ديه امرها عجيب يوم مر و يوم تاني مر برضه ....بلدي معبيه بلطجه و بطاله و جهل و تخلف وشباب عمال يروح يوم ورا التاني و محناش عرفينلها اخر ....بس للاسف اللي يجي يحكمها يبقي طمعان فيها مش قلبه عليها ....عمر محد من اللي حكمها بصيلها ولا حته بص لشعبها الغلبان اللي مش مكتوبله يوم يشوفه عدل بس ما علينامهو انا اصلي مقتنعه ان الله اذا احب عبدا ابتلاه فيمكن ربنا مبتلينا كلنا كمصريين بحكام طغاه ف يمكن ان شاء الله بعد عمرا طويل مصر تتحسن ...هعلق املي عالنظريه ديه و خلاص محناش خسرانين حاجه خلي عشمنا في ربنا كبير :) عمتن كفايه رغي بس انا امنيتي كاي مصريه و مصري اشوف حاكم عينه و قلبه علي بلده و مصايبها بجد مش عالكرسي و السلطه و الحكم .....و ديه كانت اول مدونه ليل قوليلي رايكوا بصراحه:) و في الاخر هاكتب جمله سطمبه بكتبهافي اي موضوع تعبير من و انا في ٥ ابتداءي علي امل ان باءذن الله ربنا يحققها "حفظ الله مصرنا الحبيبه من اي مكروه و من اي طمع" ............ سلمي جمال :)
No comments:
Post a Comment