طيب انا بعد حاله الاحباط اللي جاتلي من اخر بلوج و ان محدش قراه غير تلاته قلت اجرب اكتب تاني مش هخسر حاجه ....المره ديه هتكلم عن حاجه اغلبنا مستنينها و بصينلها علي انها حاجه مقدسه عندنا و لازم نحتفل بيها و هو عيد الحب اللي اصلا ملوش دعوه ولا بمصر ولا بالاسلام!!! المهم ما علينا كل المصريين بصينله علي انه عيد الحبيبه و بس و عندهم معتقدات انهم لازم يلبسوا احمر في احمر فيه و ناسييين ان في مصر احمر ده لون بدله الاعدام :,) .....اليوم ده لو نزلت الشارع هتلاقي خلق الله كلهم لابسين احمر و الحبيبه مع بعض اما الناس بقي و خصوصا البنات السينجل عماله تحقد و هتشوف حاجات غريبه كتير .....الغريب في الامر ان اوروبا اللي هي منبع العيد ده مش بيلبسوا احمر زي المصريين....ما علينا تعالوا كده نشوف هو الفلانتين ولا الناس اللي بتصاحب اليومين دول ولا مفهوم الصحوبيه عمتا في ديننا دين الاسلام؟؟ اكيد لا و انا مش بقول نبقي معقدين انا كل اللي بقولوا ان الحب ده المفروض بيننا كلنا بين الام و بنتها و الصديق و صديقه و الاب و ابنه مش لازم حبيبه وحبيب، و اصلا مش لازم نعمل كل المهرجانات اللي بنعملها ديه ولا حته البنت السينجل اللي بتعد تحقد و تفتكر انها فيها حاجه غلط ليه مثلا متفكريش تجيبي هديه لمامتك مهو ده حب و مامتك اكتر واحده بلا منازع بتحبك.....احنا محناش عايزين عيد يفكرنا بحبنا لصاحبنا و اهلنا ولا ناقصين نعمل حاجه نغضب عليها ربنا اكتر من كده ولا احنا هنعد نعقد في نفسنا و بنقلد ناس باصينلنا علي اننا شعب متخلف ولو ببساطه نفسك تحتفل باليوم ده هات هديه لمامتك و باباك هما دول اكتر ناس يستهلوا :) انا عارفه ان كلامي غريب بنسبه لبعض الناس بس انا ببساطه كنت بقول رايي :)
kalamik sa7 geddan (Y).
ReplyDeleteKeep it up!
Thank you so much :)
DeleteIts is ok to bring a present to the lover to the mom, or even the dad, but as long as they don't wear red, but revolving to the idea, why don't we just people in what they do and we just concentrate of what we want to do.
ReplyDeleteI really like how you express your opinion though.
Nancy I just saw the comment :)....Thank you first :) Second I totally agree with you but I was directing it to most Egyptian girls,who are always in with the red wearing lovers,so I chose the simplest way to express it to these girls:))
Delete