قصه علي بن ابي طالب

بسم الله الرحمن الرحيم :) ده تالت بلوج ليا وكالعاده محدش بيقرا بس المره ديه حاجه مختلفه،المره ديه هكتب قصه قريب للرسول صلي الله عليه و سلم  و هوسيدنا علي بن ابي طالب،و انا قاعده انهارده لقيت حد بيساءلنا تعرفوا ايه عنه؟و تعرفوا ايه عن الشيعه؟،اغلبناكان عارف الحاجات البسيطه عنه وهي انه ابن عم سيدنا محمد صلي الله عليه و سلم وانه نام مكانه ليله الهجره و انقذه من الكفار.....نقول بقي القصه من الاول , طبعا كلنا عارفين ان الرسول صلي الله و عليه و سلم كان يتيم الاب و الام فرباه عمه ابي طالب ابن عبد المطلب .....تمر الايام و الرسول صلي الله عليه و سلم يتزوج من السيده خديجه ,وعمه اللي رباه يرزق بولد صغير بس كان فقير فعرض عليه الرسول صلي الله عليه و سلم انه يربيه في بيته و بالفعل خده الرسول صلي الله عليه و سلم و نشأ علي في طاعه الرسول و حب الله حتي هو كان اول من اسلم من الصبيه و اسلم بعد اما  الاسلام نزل بسنه و كان عنده 6 سنوات يعني اسلم و هو عنده 7 سنين بس....تمر الايام و يزداد تعلق علي بالرسول صلي الله عليه و سلم و كمان اصبح علي من افقه الناس في الدين و القرآن الكريم حتي مره كان سيدنا عمر بن الخطاب كان معدي فقابل واحد لسه داخل في الاسلام فسأله اخبارك ايه فقاله وهبني الله فتنه و اصلي بدون بوضوء و املك في الارض مالا يملك الله, فغضب سيدنا عمر و سل سيفه لكي يقتله و كان سيدنا علي معدي فوقف سيدنا عمر و قال له هتقتلوا ليه؟ فحكاله  سيدنا عمر,فسيدنا علي وضحله و قال له ان قصده ان  اعطاه زوجه و اولاد و دول مذكورين في القرآن  علي انهم فتنه "إنما أموالكم وأولادكم فتنة والله عنده أجر عظيم " و انه يصلي من غير وضوء انه بيصلي علي النبي و مش شرط وضوء و الله اعطاه زوجه و اولاد و دول حاجات الله لا يملكها,فوضع سيدنا عمر يده علي رأسه و قال ما افقهك يا علي.......كان سيدنا علي شجاع جدا و الدليل  علي كده انه نام مكان الرسول صلي الله عليه و سلم ليله الهجره رغم صغر سنه و رغم انه كان ممكن يتقتل من الكفار سعتها بس ربنا نجاه ,و ايضا خاض علي جميع الغزوات مع الرسول صلي الله عليه و سلم ماعدا غزوه تبوك عشان الرسول صلي الله طلب منه انه يفضل في المدينه عشان يحمي النساء و كبار السن......و من حب الرسول صلي الله عليه و سلم لعلي زوجه ابنته فاطمه الزهراء و انجبوا الحسن و الحسين احفاد الرسول صلي الله عليه و سلم و كان  الرسول صلي  الله عليه و سلم يضع حسن علي رجل و الحسين علي الرجل الاخري ....تمر الايام و الرسول يتوفي و يجي الدور علي المسلمين انهم يختاروا الخليفه الثالث بعد وفاه سيدنا ابي بكر الصديق و عمر بن الخطاب فاختلف الناس علي اثنين هما عثمان بن عفان و  علي بن ابي طالب  فكانت الاغلبيه لسيدنا عثمان ....المهم يحكم عثمان من عام 23ه الي عام 35ه  يعني 12 سنه حتي قتل في مقتل غامض يعني اتقتل و اتدفن و محدش عرف مين قتله فقرر الناس ان علي هو اللي يحكم و بالفعل حكم و قام بالعديد من الحروب و الفتوحات لحد اما جاله معاويه ابن ابي  سفيان (ابن اميه نسبه الي الدوله الامويه) و كان حاكم دمشق و قال له انه لازم يحارب و يجيب حق عثمان-رضي الله عنه- , فعلي قاله ازاي و محدش يعرف مين قتله و فيه ناس بيقولوا انهم احتمال يبقوا ثوار مصريين و انهم كده هيظلموا ناس و مش هيجيبوا حقه ,فاختلف الاثنان و حدثت معركه مبينهم و فاز علي ,فقام معاويه بخدعه و هو انه طلب من الجيش بتاعه انهم يرفعوا المصاحف علي أسنه السيوف ,يعني يطلبوا تحكيم القران الكريم  و بالفعل كل قائد جاب افقه شخص عنده في القرأن الكريم و الدين,فاحضر سيدنا علي ابو عبيده الجراح  و احضر معاويه عمرو بن العاص فاستطاع عمرو بذكائه خداع ابو عبيده و نسب الحكم لاميه و بالفعل بقي اميه هو الحاكم و نقل الحكم لدمشق,أكيد علي كان غاضب و حاول أنه يحارب أميه فعرض عليه اهل العراق(اهل النفاق و الكذب و هتعرفوا بعدين ليه لقبوا بالاسم ده سعتها) المساعده و انه يجي عندهم النجف الاشرف يحارب و استجاب لدعوتهم و راح حارب في ارضهم لكن وسط المعركه فروا و تركوه و خسر المعركه .....تظهر مجموعه من الناس معتقدين ان علي و اميه هما سبب خراب الدوله و لقبوا با(لخوارج) و قرروا انهم يبعتوا ثلاثه اشخاص يقتلوا كلا من عمرو بن العاص بالقاهره في مصر و علي بن ابي طالب بالكوفه في العراق و اميه بن ابي سفيان بدمشق في الشام و اعتقدوا ان هما لو ماتوا الدوله هتتعدل وقرروا يقتلوهم و هما بيصلوا الفجر و سبحان الله عمرو بن العاص مينزلش يصلي عشان كان عيان يوميها و اميه ابن ابي سفيان حارسه هو اللي يتلقي الضربه عوضا عنه و للاسف علي يتقتل علي يد عبد الرحمن بن ملجم في مسجد الكوفه و هو بيصلي الفجر و اتدفن في العراق في النجف عام 40 ه عن عمر يناهز 63 عاما يعني حكم لمده 5 سنوات فقط  .........تتكرر نفس الحركه و يعرض اهل العراق علي اولاد علي (الحسن و الحسين) انهم يساعدوهم و يخوضوا معركه و يجيبوا بحق  علي والدهم و بالفعل استجابوا و راحوا و حاربوا ,و في وسط المعركه سابهم اهل العراق و قتل الحسن و الحسين ,و عشان كده لقب اهل العراق  باهل النفاق و الكدب لانهم خدعوا الاثنين سيدنا علي و اولاده الحسن و الحسين..(معلومه صغيره: لقب مسجد الحسين في القاهره نسبه للحسين عشان السيده نفيسه اخته لم تصدق انه قتل فطلبت انهم يجبلوها راس اخوها و هي كانت عايشه في القاهره و دفنت رأسه هناك و بني عليها المسجد و سمي نسبه للحسين  )......عماله ارغي و احكي و مقولناش الشيعه دول جم منين اقولكوا بقي اهل العراق حسوا انهم لازم يعملوا حاجه لسيدنا علي  بعد حركات النداله اللي عملوها ديه فقرروا انهم يشيعوا سيدنا علي و يقدسوه فعشان كده لقبوا بالشيعه و منهم  مجموعه العلويه نسبه الي سيدنا علي ....طبعا ده حرام و هما اصلا حرفوا حاجات كتير و حاطوا  اسم سيدنا علي في الأذان بدل الرسول صلي الله عليه وسلم و غيروا طريقه الصلاه و بيخبطوا نفسهم بالطوب فاكرين انهم كده بيخدوا حسنات......طبعا كل ده استغفر الله العظيم يارب كلام كفر......ديه كانت قصه سيدنا علي بن ابي طالب  سمعتها من المدرس بتاعي فقولت احكيهالكوا