يعني أيه سجاير؟!!!

بسم الله الرحمن الرحيم :) ده رابع بلوج ليا و يارب حد يقراه عشان ميجليش إحباط ...ما علينا تعالوا كده نفكر يعني إيه سجاير؟ ولا هي السجاير ديه أصلا ديه جت إزاي ولا مين اخترعها؟ أقولكوا أنا....طبعا كلنا عارفين اللي جوه السجاير ده نبات و كل بلد بتسميه باسم معين في مصر إسمه التبغ و في بلاد تانيه أسامي مختلفة (الطباق-نبات الدخان-....إلخ)  فيه كمان بلاد بتمضغه زي اليمن (أكثر البلاد زراعة للتبغ) و مش بتدخنه ...هي الطريقة ديه مُضره طبعا بس أقل ضررا من الدخان المهم طبعا كلنا عارفين  الهنود الحمر في أمريكا الجنوبية ,كانوا بيحبوا إنهم يحتفلوا حول النار و كده  كشعائر دينيه و كانوا عشان يشعلوا النار ديه بيحطوا نبات (أي نبات مزروع حواليهم) المهم في يوم من الأيام لقوا نبات التبغ ده و حطوه علي النار و بعدين النار طلعت دخان وواحد من اللي قاعدين كان مريض و مصدع جدا فشم الدخان غصبن عنه المهم حس بعدها إنه إتسطل و حس إن الصداع راح و شعر بخمول و قال لهم أن الدخان ده خلاه بقي كويس و من ساعتها و هما بيستخدموا التبغ في حاجتين أول حاجه انه هو دواء وله قيمه علاجيه وتاني حاجة يشعلوا بيه النار ....تعدي الايام و يجي كريستوفر كلومبس علي أمل إنه يروح الهند و يغلط في الطريق و ينزل في أمريكا الجنوبية و يقابل الهنود الحمر و يسألهم هما بيعملوا بالنبات ده أيه ده مجرد نبات  ملوش لزمه المهم قالوله و قرر و هو راجع ياخد منه كميه كبيرة جدا معاه أوروبا و هو راجع ...و بالفعل خد التبغ و و راح بلده و طوره إنه يبقي بيتدخن و يتلف في ورق عشان يبقي سهل التدخين و بعدها إبتدي الموضوع ينتشر و يطور أكثر فأكثر.......ديه قصه السجاير بس أنا ببساطه هقول لكل واحد مدخن كام حاجه كده .....أنا مش هقولك ياللي إنت لسه في عز شبابك إن السجاير مُضره  بالصحة و انها بتجيب سرطان و بتدمر الرئه عشان أنت أكيد عارف و شربت  كتير من الكلام ده و برضة  مفيش فايده مصمم تشرب طب بلاش عارف السجاير ديه بتكلفك قد أيه.... تعالي نحسبها......مثلا العلبه ب 10 جنيه و أنت عندك 16 سنه نحسبها من سنك دلوقتي لحد أما يبقي عندك 40 سنه إن شاء الله ...مثلا في اليوم علبه يبقي كده في ال24 سنه هتصرف 454 الف!!! متخيل ده لو العلبه بعشره جنيه مثلا مش ب 20 و 18 جنيه زي اليومين دول....طب بلاش عارف شركات السجاير اللي بتكسب في السنه ملايين من ورا الشباب ،علبه السجاير ديه مش هتكلفها كلها علي بعضها 5 جنيه لانها عباره عن ورقه و نبات و تبغ و نيكوتين و كرتونه!!! يعني انت اللي خسران......هتيجي تقولي السجاير حلال أقولك حرام تقولي هاتي دليل اقولك أنا أولا السجاير موصلتش أيام ظهور الإسلام و كان عندهم الخمر بس و ده حرام طبعا ولو كانت جت السجاير كانت هتبقي مُحرمة لإنها مُضره تماما بالصحة و أكيد الإسلام مش هيحلل حاجه بتضر( لا ضرر ولا ضِررا) ...... و في حديث  بيقول : قال رسول صلي الله عليه و سلم :" لا تَزُولُ قَدَمَا الْعَبْدِ يَوْمَ الْقِيَامَةِ حَتَّى يُسْأَلَ عَنْ أَرْبَعٍ : عَنْ عُمْرِهِ فِيمَا أَفْنَاهُ , وَعَنْ شَبَابِهِ فِيمَا أَبْلاهُ , وَعَنْ مَالِهِ مِنْ أَيْنَ اكْتَسَبَهُ وَفِيمَا أَنْفَقَهُ , وَعَنْ عِلْمِهِ مَاذَا عَمِلَ فِيهِ ". صدق رسول الله صلي الله عليه و سلم  نيجي بقي نسألك أنت ياللي بتدخن الأربع اسئلة دول... أول سؤال هتقولي طبعا عمرك كله سجاير و تدخين طب تاني سؤال طبعا صحتك متبهدله من السجاير و عندك كحه و ضيق في التنفس و رئتك في الضياع طب ثالث سؤال أنت أكيد اتعلمت في مدرستك و خدت في الدين أكيد درس بيقولك إن التدخين ده مُضر و حرام.... عملت بعلمك ده ؟إستفدت منه؟ أكيد لا و طبعا أخر سؤال فلوسك كلها ضايعه في السجاير .....يا فرحتي بيك يوم القيامة سقطت في الأربع اسئلة,تعالي بقي و قول السجاير حلال!!! هتقولي طب أنا هشرب شيشه و بتبقي كل فين و فين... أحب أقولك إنها زيها زي السجاير بظبط نبات و الفرق انه بيضاف عليه نوع من أنواع العسل و بيبقي أسود(عشان كده سُمي معسل) ده غير بقي أن كل نفس شيشه يبساوي عشرين سيجاره.....خرب في صحتك كمان و كمان و يا سلام لو بتشرب الاتنين!!!!طب بلاش عارف بقي أن التدخين أول سكه الإدمان....هتقولي إزاي و أنا بدخن و مأدمنتش و غيري كبير و مأدمنش هقولك آه بس هاديك مثال صغير أوي .....مرة و أنت صغير جالك صداع خدت برشام مثلا ريفو الأخضر ده و بقيت تمام ,كل مره هتصدع هتاخد ريفو لحد أما هتتعود و تاخد برشامتين ,برضه هتتعود و يجيلك صداع تاني هتقوم تاخد دواء أقوي مثلا بانادول الصداع هيروح بس  جسمك هيتعود عليه و مش هيأثر فيك بعد كده لو جالك صداع فهتتجه لنوع أقوي و هكذا....زيه بضبط زي الإدمان إن جسمك بيتعود فبتتجه للأقوي تأثيرا و لو سألت أي حد مدمن هيقولك إن أول خطوه الإدمان سيجارة.....طب أنت بتبص لنفسك و أنت في رمضان و صايم بتبقي عصبي إزاي و مش قادر و عايز تدخن أقولك أنا ليه....صلي علي النبي كده ...أنت عندك في مؤخره رأسك غدة اسمها الغدة النخامية فالغدة ديه سعة أما بتحس بالبرد أو الجوع او الاأم او.....إلخ, بتفرز مادة اسمها أمدروفين و ديه زي مخدر مؤقت بيهديك براحة,سعتك بقي أما تشرب سيجارة بالنكوتين اللي فيها زي كأنك بظبط بتقولها شكرا أنا مش عايز منك حاجة هدخل أنا المخدر فبتقف الغده ديه عن الإفراز  و بتيجي حضرتك صايم مفيش حاجه  في جسمك بتساعدك  إنك تتحمل الجوع  و الغدة ديه عشان تشتغل لازم تقعد من 30- 40 يوم من غير سجاير و هي هتشتغل ....طب يا سيدي بلاش عارف حرق ورقه البفره ده بيطلع غاز أوكسيد الكربون الأول(CO) و الدخان بيطلع ثاني أوكسيد الكربون)Co2) و الاتنين أما بيتفاعلوا بيدخلوا لرئتيك دخان يسببلك أمراض ما يعلم بيها إلا ربنا ..... طب عارف أما تقعد تشرب في سيجارة ورا سيجارة و كل يوم زي إيه بظبط , زي أما تجيب لوحة كبيرة  سليمة و تعد تحرق فيها كل شويه حته لحد أما تقضي عليها,اهو ده اللي ساعدتك بتعمله في جسمك بتقضي عليه ببطئ..بتقضي علي البرواز اللي برة و علي الصورة الثمينة  اللي جوة ... قولي كده ياللي بتدخن سواء كبير أو صغير لسه شاب ذنبهم إيه اللي حواليك يتضروا من دخان حاجه تافهه زي ديه قولي كده أنت ياللي عندك 16 سنه فكر كده أبوك ذنبه إيه تاخد منه الفلوس ديه كلها علي شويه نبات ,ذنبها إيه أمك تحس بالتقصير ناحيه تربيتها ليك أما تعرف إنك بتشرب سجاير و الله أعلم داخل علي أيه كمان!!! ....هقولك حاجة واحدة هتضيع جنتك و قربك من ربنا و رضا والديك  عشان شويه ورق  ونبات,عشان مزاجك,عشان رغبه أصحابك ....فكر كده و خلي بالك لو كملت كده وإتجوزت إن شاء الله ابنك هيقول و مشربش ليه موالدي اللي هو المفروض مثلي الأعلي بيدخن!!! .......طب إنت ياللي عندك 40 سنه ابنك لو دخن و دخل في السكه ديه هتعمل أيه؟؟ اكيد هتزعل و هتغضب !!!بص لنفسك الأول و شوف عقبات اللي بتعملوا و إزاي بتغضب ربك .......ببساطة شديده جدا لأي حد بيشرب سواء كبير أو صغير :بطل سجاير!!!....آه هي حاجه صعبة بس لو بطلت و حاولت تمنع نفسك و تتغير للأحسن ربك عمره مهيسيبك و هيساعدك.....صبر نفسك بالجنه و حط في دماغك إنك لو وقفت ربنا سبحانه و تعالي هيرزقك بالذرية الصالحة,غير كمان رضا والديك عنك و كميه الفلوس اللي هتوفرها و ممكن كمان تتبرع بيها و تكسب حسنات قد كده و كميه الناس اللي هتنبسط منك و تشجعك و تاخدك مثال أعلي .....أنت آيوه!! أنت فكر في صحتك و إحمد ربك و بطل ,هتفرح أما يجيلك سرطان و تاخد كيماويات أو أما تصيبك أفظع الأمراض.....ببساطه هتضيع كل ده عشان حته علبه كرتون  و شويه نبات يساوي 18 جنيه؟.....يارب أي حد مدخن قراها يبطل و كل المدخنين و المدمنين يبطلوا يارب....قولوا آمين :) المصدر: المدرس بتاعي وأمي .......أنا الحمد لله خلصت :)